Latest News

١٧‏/١٢‏/٢٠٠٧

بلدنا بتتروشن بينا

كنا زمان واحنا أطفال لما يسألونا: عايز تطلع إيه يا حبيبي لما تكبر؟ كان الجواب دائماً حاجة من اثنين (دكتور) أو (ضابط) وأقلية كانت تقول مهندس، وكانت الوظيفتان الدكتور - والضابط أحسن الأعمال وقتها وأكثرها احتراماً، وقد تكون الأكثر احتراماً حتي الآن، ولكنها بلا شك ليست أحسن الأعمال، فالدكتور بتاع زمان كان بيتخرج وأمامه الحلم المعروف بتاع الـ٣ عين (عيادة + عربية + عروسة)، وكان ممكن يحققه بالفعل في ٣ أو ٤ سنين، لكن دكتور اليومين دول يا ولداه ماعندوش أي أحلام، لأنه عارف أنه مهما يحلم فلن يتحقق شيء، لأن الدكاترة عددهم أصبح بمئات الألوف، ومازالت جامعاتنا تخرج كل عام عشرات الألوف!!

أما وظيفة الضابط فقد أصبحت مكروهة من الجميع، من الشعب العادي، ومن الضباط أنفسهم نتيجة للحملات الإعلامية عليهم، بسبب تجاوزات بعضهم واتهامهم في قضايا التعذيب، والحكم علي بعضهم بالفعل، مما أدي إلي تغيير نظرة الناس لهم. ده غير رواتبهم الضعيفة والتي لا تتناسب لا مع ساعات عملهم المتواصلة وطبيعته الخطرة، وهناك أقوال عن زيادة نسبة الضباط الذين يطلبون إحالتهم للمعاش المبكر أكثر من أي وقت مضي.

لكل ما سبق، وحالة الجوع الجماعي التي يعيشها أكثر المصريين، فإنك إذا سألت أي طفل: عايز تطلع إيه يا حبيبي لما تكبر، سيرد: لاعب كورة - ممثل - مذيع بالفضائيات لأن دول هم القدوة والمثل حالياً، وهم أسياد البلد بملايينهم التي يحصلون عليها. ولو سألت أي بنت سترد: نفسي أكون رقاصة ياعمو.... واشمعني رقاصة يا حبيبتي؟؟ علشان الرقاصة ياعمو بتاخد في الليلة الواحدة من ٥٠٠٠ جنيه إلي ٥٠٠٠٠ جنيه (حسب مؤهلاتها المطلوبة وعدد الأماكن التي ترقص فيها)، واضرب المبلغ ده في عشرة في الأعياد ورأس السنة وخلافه.

وحسب إحصائيات رسمية صادرة عن جهاز الرقابة علي المصنفات الفنية فإن هناك ٧٢٠٠ فتاة يتقدمن للجهاز سنوياً للحصول علي رخصة راقصة بواقع ٢٠ راقصة يومياً والنسبة في ازدياد مستمر..!!! وربنا يخلي حكومتنا الرشيدة.. وزغردي ياللي مانتش غرمانة!!!

المصدر:المصري اليوم

٠٨‏/١٢‏/٢٠٠٧

هما زعلانين ليه ؟؟؟!!!!!



تعليق صغير قوى نفسى اقوله
الناس زعلانه قوى على المصريين اللى راحين اسرائيل ( انا مش هتكلم على الموضوع ده دلوقتى )
هما ايه اللى مزعلهم
مايسيبوهم
هما دول الىل هيجيبوا اسرائيل ورا
هيعلموهم الرشوة والظلم والفساد والمحسوبية
هوا احنا رحنا مكان الا وباظ
( والعراق يشهد :D )
يا جماعة الفول سره باتع
هما مش بيقولوا اسرائيل العدالة فيها احسن من الدول العربية ( ده بالنسبة بين الاسرائيلين وبين بعضهم )
خلاص خليهم يبوظوهم

................
طبعا الكلام ده هزار
ولو نقد
يبقى نقد لينا احنا على القيم اللى اتكسرت وبينا مشهورين بالقيم والعادات السيئة
انا مش كاتب الموضوع علشان اناقش مشكلة السفر لاسرائيل لان ده امر محسوم عندنا كلنا
ومش محتاجين كلام فيه
انما بنقد الظواهر اللى انتشرت جوا مجتمعنا
يارب اهدى امتى
ولا تهلكنا بما فعل السفهاء منا
........
لحسن الواحد اتخنق من الفساد

بسم الله مجراكى ومرساكى





الحمد والشكر ليك يا رب انك خلتنى اعيش لحد ما اشوف البلوج ده اتكتب فيه كلمه :D
انا تقريبا سجلت على بلوج سبوت من الصيف اللى فاتت
وخلصت شكل المنتدى والصور قبل رمضان او فى رمضان :)
وكنت عامل حسابى ابدا فى العيد
لكن محصلش نصيب
ودايما كنت بتاخر
وللاسف كان فى حاجات كتيرة نفسى اكتبها بس معتقدش انى احس بنفس اللى كنت حاسه وقتها

انا دايما بقول جملة
كنت كتبتها على البلوج القديم
" لست كاتبا.... لست عالم دين ....ولست عبقريا فى علوم الدنيا ولا شاعر.... فقط.... اكتب ما اؤمن به وما يجيش به صدرى... احاول ان اكون مميزا عن الاخرين.... بما ينفع الاخرين..... "

لو حاجة مش حاسس بيها
ومش خارجة من قلبى
مش هعرف اقولها
ولا اكتبها
لانى معتقدش ان جواليا ملكة الكتابة والخطابة
بل الحاجات اللى كتبتها احيانا كانت الافكار والاسلوب بيتطور نفسه وانا بكتب وبحس ان ازرار الكى بورد هى اللى بتخلينى اكتب وهى اللى بتجر الاحرف تلقائيا
الانسان الفكرة بتملى كيانة
لازم يخرجها
ولانه حاسسها ومؤمن بيها
اكيد مفيش حاجة احسن من الكلام اللى خارج باحساس
علشان كده احيانا كتيرة جدا هنقطع
واحيان اخرى هكتب بكثرة
كله بيتوقف على حالتى المزاجيه والفكرية

اتمنى انى اعرف اقدم فكرة او راى كويس على البلوج
واتمنى انى الاقى اصدقاء وزمايل اتناقش معاهم بحرية وصدق
اتمنى انهم يكونوا مرايا للحقيقة
اعرف منها الصواب من الخطا
اتمنى ان البلوج يعجيكم

على الفكرة البلوج ملوش مواضيع معينه
يعنى اى حاجة احس بيها قوى بكتبها
اجتماعى
فنى
ترفيهى
رومانسى
سياسي
تهيس
رز بلبن
كله موجود ان شاء الله

انا عاوز انبه لحاجة
يا ريت تركزوا على الفكرة مش على اسلوب الكتابة
لانى زى ما قلت
مش اديب :D

انا بدات قبل المقدمة
بنقل الموضوعين اليتيمين اللى كانوا على مدونتى القديمة فى مكتوب
وعلى فكرة الردود الموجوده دى الردود اللى كانت على مكتوب نقلتها تانى
نظرا لقيمة كاتبيها
واحترامى الشديد لارائهم
واستفادتى من وجهة نظرهم

بين الدين والسياسة



خد من كل بستان زهرة

وخد من بستان كل الزهر

ده مثل سمعته مرة من مدرس للغة العربية فى المرحلو الاعدادية اعتقد فى الصف الثانى الاعدادى

كان موضوع الدرس عن التنوع فى العلم والثقافة وانه يجب على الانسان ان ينوع بين العلوم المختلفة وليس معنى التخصص ان ياخذ كل ما فى يهمه وكل ما يندرج تحت تخصصه والباقى لا يعيره اى انتباه

فهناك تداخل بين العلوم

ولا اعتقد ان هناك علم واحد لا يتداخل مع علم اخر بل ربما مع علوم اخرى

حتى علوم الدين

اعتقد ان هناك تداخل فيما بينها وبين علوم اخرى مثل الفللك والرياضيات والكيمياء

فقد جاء الدين الاسلامى منهجا للحياة

شاملا

مكملا للنواقص

لذلك

فكل من يقول لا شأن للدين بالسياسة فاقول له انت كاذب

ولا اعتقد ان هناك سياسى اعظم من رسول الله صلى الله عليه وسلم

عندما اجلس استمع الى سيرته العطرة وارى تعامله مع الشعوب والاعراق المختلفة ومع رسل الملوك وزعماء القبائل

ثم ياتى من بعده الفاروق عمر بن الخطاب

تلك العبقرية القيادية

ونحن هنا لسنا بصدد ذكر امثلة على هذا لان الجميع يمكنه انه يقرا عن هذا من مصادر موثوق بها

كل ما عليه هو ان يفتح جعبته ويخرج منها كتابا تزيد صفحاته عن المائة صفحة وربما عن المائتان بمئة او اكثر

او ان يضغط على بعض الازرار ليجد المعلومات تتدفق امامه على شاشة يختلف حجمها ولونها من شخص لاخر

ولكن ما نحن بصدد ذكره هو ان الاسلام لم يكن بعيدا عن السياسة ابدا

بل انه وضع اسسها

وقوانينها بما لا يختلف مع شرع الله وبما لا يتعدى حدوده

ولكن الان اصبح الدين فى الاتجاة المعاكس للسياسة

فاشعر وكانى مسافر على طريق طويل

ثم اقف امام لوحة ارشادية كبيرة عند مفترق طرق

او بالاصح مفترق طريقين

سهم اللى اليمين يكتب اعلى الدين

والاخر يسار مكتوب فوقه سياسة

اما انا فمازلت اقف عند المفترق ولكن قلبى يتحرك الى اليمين

اشاهد اناس قادمون من ذلك الطريق على يمين يسرعون الخطا الى يسارى

فماذا افعل ااتجه يسارا معاهم

هل اخطاوا الطريق فى البداية وقرروا ان يتداركوا الامر

هل كانوا يريدوا اليسار منذ ابداية

ام انهم ارادوا اليمين ولم يجدوا فيه ملاذا امنا لهم فاتجهوا الى اليسار

هل اتجه اللى اليسار معهم

لكن كيف

وقد وصف اعظم الساسة ان السياسة لعبة قذرة

لا

انا ارفض اللعب

كما ارفض مشاهدة مباريات المصارعة الامريكانى

التى يشوبها الخيانة والتلذذ بالالم

والمتعة بالوحشية

لا لن ادخل

ساظل عند المفترق

حتى اشعار اخر

..............................................................

تعليق صغير

انا ليه كتبت الموضوع ده

فى مسجد مشهور فى مدينتى يعتبر اكبر مسجد

له خطيب

له من الفصاحة وموهبة الخطابة باع طويل

ولكن

هو يعتقد ان اصلاح دين الامة سيكون باصلاح السياسة اولا

لان السياسة تملك القوة

تملك العصا والجزرة

تملك الامر الواقع

اى انه عليك اصلاح السياسة لتصلح احوال امتك

تقريبا لا يتحدث فى اى امر دينى اخر

وبدل من الدعاء لاولياء الامر بان يهديهم الله ويرشدهم الى الصواب

كل ما يفعله هو الانتقاد والتشويه والاستهزاء بهم

طيب انت عايش فى واقع مش سامح لك انك تغير السياسة للنظام اللى انت عاوزه

طي بما تعمل العكس

ما ترفع الناحية الدينية والاجتماعية عند الناس

هتلاقى كل حاجة اتظبطت

بما فيها الامور السياسة

انما ازاى عاوز تصلح السياسة والاخلاق والدين والاحوال الاجتماعية مش مظبوطة

ولو عملت ده الناس هتاعدك ازاى اذا كان الناحية الدينية والاخلاقية والاجتماعية فيها defect

وانت هتستفيد ايه من الكلام اللى انت بتقوله ده

مش هتستفيد غير انك هتتبهدل على الفاضى ومحدش هيعمل حاجة من اللى انت بتقوله

طيب ما تبنى مجتمعك الاول

وبعد كده اتجه للموضوع ده

انما انت عاوز تبنى دور رابع وانت اصلا حاطط اساس مش مستحمل غير دوريت ومعندكشى دور تالت اصلا

مش معنى كلامى ده ان المفروض يبقى الشعب ملوش دعوة بالسياسة ويسيب الحكام والمسؤلين يفعلوا ما بدى لهم

لاء

لابد من حساب ودى المفروض وظيفة مجلس الشعب (ولو فى اى defect فالعيب فى الناس اللى مننا مش من حته تانية لانهم زينا بالزبط )

لكن

ابنى مجتمعك كمان

مش عاوز تحاسب وانت اصلا معملتش حاجة تبنى بيها مجتمعك

غير الكلام

...................................................................................................

مثال ولن اطيل فى التفاصيل

عمرو خالد

ولن اتحدث اكثر من هذا حاليا

الطالب المسيل للدموع












يا ترى العيب فى الطالب المصرى ؟؟؟؟
جينات وراثية مثلا.. ( هما الفراعنة زمان كانوا كده ؟؟؟ مش هما اجدادنا برضو ؟؟؟)
ولا العيب فى وزارتين


الاولى اسمها التربية قبل التعليم لم تربيه كما يجب


والثانية اسمها تعليم عالى لم يحصل منها الا على ادنى تعليم


ولا يمكن العيب فى اسرة اهملت طفلها منشغله باعباء الحياة
بعد ما طحنت الهموم كل احلامها
زى ما التخلف طحن عقل طفلها الصغير منذ بدا يدرك معانى الحياة ........ يمكن وليه لاء !!!
ولا السلبيه؟؟؟.....ولا .....ولا ..... ولا ......؟؟؟


عموما اللى قلبنا قالوا :


العيب لو طلع من اهل العيب ميبقاش عيب ...!!!


الحقيقة....


انا مش عارف......!!!


ولكنها بلا شك عده عوامل
_________________________________________



اصبح الطالب المصرى وحينما نذكر الطالب المصرى هنا لا نقصد طالب المرحلة الابتدائية او الاعدادية او حتى الثانوية او التعليم العالى الذى نزل من مرتبه العلو اى احط الدرجات
ولكن اقصد الطالب من الالف والياء
منذ ان امسك بقلمه الرصاص البرتقالى اللون ذو الممحاة
الى ان حصل على تصريح خروج من السجن الفدرالى




اصبح هذا الطالب ما هو الا اداه -الة- تبحث عن النجاح الكاذب فى امتحان اشبة بالنكات التى يطلقها المنولوجست فى حفلات الاذاعة والتلفزيون حيث حفظها الحاضرون عن ظهر قلب منذ امد الدهر ولكنه يصر على ذكرها॥:(
اعتقد ان المرحلة التى من خلالها يمكن ان يتضح نضوج الطالب الفكرى ويتشكل المظهر الاول لعقليته هى المرحلة الاعدادية التى استطيع من خلالها الحكم على الطالب وعلى مستوى فكره وذكائه ....
وربما ايضا على نقائه الاخلاقى .....
ولكن تاتى المرحلة الثانوية لتجهز على معظم الطلبة
وتقضى على طموحاتهم .....
وهوايتهم .......
فهذا يحب الرياضة وينتظره مستقبل مشرق بالامال ....
وهذا يحب القراءة ويشترى الكتب من كل حدب وصوب ......
وهذا يحب التكنولوجيا ومتعته الحقيقية فى اصلاح ما فسد منها واختراع صغير يعتقد انه نواة اختراعته فى المستقبل .....
ولكن ,,,,,
وامام الواقع ,,,,
يجد نفسه اصطدم بجدار من الفولاذ
هذا الجدار يقول له
ان السبيل الوحيد لحياة ذو مستوى معيشى مرموق
ومنصب جيد
هو ان تدع كل هذا
وتقتل مواهبك التى منحها الله لك
وكل ما عليك فعله ان تجلس امام كتب مدرسية بلهاء وضعها اناس منعزلين عن العالم
كل ما عليك هو ان تحشو راسك بالمعلومات تماما كما تفعل ربة المنزل عندما تصنح لاسرتها طبق المحشى المفضل لديهم
وبعد ان تخرج من هذه المرحلة الكئيبة عليك فك لفات المحشى
ليسقط ما بداخله
الا بعضا أبا ان يترك لفافة المحشى
فظل عالقا بها

وبعد ان تظن نفسك انك اصبحت حرا
بعد سهادة حسن السير و السلوك
فاذا بك
تصطدم بجبل البرانس الشهير
وعليك ان تصعده حتى تصل الى القمة
لتجد بعده ان هناك من خدعك وصور لك الحياة فوق الجبل على انها جنة الله فى ارضه
فاذا بك تجد ارضا قاحلة
جدباء
عليك زراعتها
..................................................
ومازالت الساقية تدور
....................................................................................................................
بعد الكلام الكبير ده اللى مش عارف انا كتبته ازاى
بس المهم
قعدن مع نفسى وانا بشرب كباية النسكافيه افكر
يا ترى ايه السبب
ليه حاسس ان عندى طاقات اكبر ممكن اعملها
بس 90% منها لن يظهر وسيتم دفنه بسبب التربية فى البيئة المصرية ...............
كان نفسى فى نظام تربية امريكى ..............
بغض النظر عن موضوع الاخلافة والدين
فاتمنى ان احتفظ بتربيتى ودينى واخلاقى وهويتى مع هذا النظام من التربية
لكن لحظة
اعتقد ان افضل نظام لتربية النشا هو النظام الاسلامى
هو ما حمله لنا الاسلام
وما حثنا عليه رسول الله محمد بن عبد الله صلى الله عليه وسلم
حتى عندما انظر الى النظام الامريكى افضل الانظمة فى نظرى حاليا فى تربية الطفل اشعر انهم قد اقتبسوه من ديننا
او ربما سرقوه منا
فسرنا نحن بلا ذلك النظام
نحاول البحث عنه فلا نجده
مع العلم انه معهم
نعم معهم
اذا فربما العيب اننا لم ناخذ ما تركه لنا الله ورسوله بماخذ الجد
بالتالكيد هذا هو الحل
ولكن
flash back
ما الذى اوصل لنا الى هذا الحال
اعتقد المسؤلية الاولى ترجع للاسرة
لانها عادة تكون سبب فى قتل المواهب
ولكن ما الذى جعل الاسرة بهذا التوتر
انها بلا تاكيد مشاكل الحياة
التى تتحمل الدول جزء كبير مما يعانى منه مواطينها
بالاضافة للوزاتين
التعليم العالى ولا اريد ان اقول التعليم ال ...............
فاقول التعليم الاقل شأنا
مناهج فاشلة
تربى الطفل على الحفظ
والتفريغ
حتى سرنا اشبه بالبرطمان
............................................................................................................
طيب وبعدين هنعمل ايه
اعتقد ده هيكون عنوان الموضوع القادم
واسف لو فى خطا لغوى او طباعى
او فى الاسلوب
عموما دى اول حاجة انا كتبتها
وان شاء الله القدام يكون افضل واحلى