Latest News

١٨‏/٠٩‏/٢٠٠٨

الحياة بطيخ...



قصيدة من وحى واحد مهيس


اللى هو انا يعنى

او بمعنى اصح رائعة من روائعى


زى ما الاستاذ مرجان احمد مرجان ابدفع فاخرج لنا الحلزونة ياما الحلزونة


انا برضو ابدعت فاخرجت لكم ........


الحياة بطيخ:::




الحياة.... بطيخة كبيرة


ياما حمرا


او لامؤاخده


ارعة




لو حمرا......


هيبقى فيها بذر


ولو ارعة......


برضو هيبقى فيها بذر




والتاجر


ياما راجل امين


يدهالك حمرا


او راجل غشاش.....


يدهالك ارعه


وكده ولا كده برضو هتلاقى فيها بذر


وعجبى !!!!!






اذامما سبق ذكره


يتضح لنا انا افضل ما يمكن فعله


ان نكف عن اكل البطيخ


وكفاية علينا بذر المانجة


:D


ومش عاوز حد يشتم لو سمحت :D

٢٧‏/٠٦‏/٢٠٠٨

اللهو الخفى




هو انا معقد ؟؟

سؤال سالته لنفسى بعد ما ودعت احد اصدقائى وانطلق كل منا فى طريق عوده للمنزل

معقول انا غلط

ولا مفيش حد فيهم عارف يفهمنى

ليه بحس دايما انى قدام الناس بعمل mask لجزء من شخصيتى

وللاسف مش بخفى جزء وحش

ده انا حاسس انه جزء حلو جوايا

لكن بحس انى مش دايما بظهر بكامل شخصيتى قدام اغلب الناس

وده بيحسسنى انى مقتبس شخصية تانية لان فى جزء ناقص من الشخصية الحقيقية



ليه حاسس ان محدش من اللى حواليا فاهمنى

رغم كل الناس اللى اعرفهم واللى اقدر اقول على نفسى انى شخص الى حد ما مش انطوائى وعلى درجة مش وحشة من الاجتماعية

لكن دايما حاسس ان محدش فاهمنى ولا اى مخلوق يعرف اى حاجة عنى

ولا عن تفكيرى

ولا عن اللى جوايا

سواء اهل او اصحاب او زملاء


دايما عمرى ما فكرت اكلم حد من اللى اعرفه عن دماغى او تفكيرى

لانى واثق ان محدش فيهم هيفهم الكلام ده

ده مش غرور منى

لكن احساس فعلا ان كتير منهم عقلهم وطموحهم وطريقة تفكيرهم اقل من اللى المفروض نبقى كلنا علينا

حاسس انى عايش فى مجتمع منغلق جدا

وان ده مش مكانى


وليه بحس انى شخصيتى كاملة بتظهر وانا قاعد قدام الكمبيوتر اللعين اللى انا قاعد قدامه ده

وليه دايما لما بلاقى حد فاهمنى بيكون لازم موجود حواجز زمنية او مكانية او اجتماعيه بينى وبينه

واحيانا حواجز عمرية

لان كتير جدا من اصحابى اللى عرفتهم واللى اقدر اقول عليهم اصحاب بجد يقدروا يفهمونى وافهمهم

دايما اكبر منى مش اقل من تلت سنين


للاسف لحد دلوقتى مقبلتش غير شخص واحد تقريبا احنا الاتنين متشابهين فى طريقتنا وفى تفكيرنا

وللاسف لحد دلوقتى مقابلتش اصحاب كتير تقدر تحس انهم فعلا مش محبطين

وللاسف بحس ان اغلب اصحابى اللى من سنى

مفيش فى دماغهم حاجة

خالص

نهائى

مذاكرة وبلاى استاشن

محدش فيهم بيفكر لحظة واحدة لقدام


وده مدينى احساس انى موجود فى مكان مش مكانى

ومدينى احساس ان اللى بيحصل عملية قتل بطىء لحاجة جوايا مش عارف اطلعها

ويا ترى فى يوم من الايام هحس فعلا انى مش مسجون جوا نفسى ؟؟

يا ترى هلحق نفسى قبل ما اموت

هل انا واخد فى نفسى ثقة زيادة عن اللزوم باحساسى انى اقدر احقق مستقبلى اللى انا راسمه ؟؟؟


هل انا اللى غلط

ولا هما اللى غلط ؟؟

بس انا عندى ثقة معرفش جايبها منين ان اكيد مش انا

يمكن انا مش قادر افهمهم على قد عقلهم

بس انا برضو مش لاقى حد فيهم يساير تفكيرى

وانا مش عارف افكر على طريقتهم


ومش هعرف


يا ترى هستنى لحد امتى لحد ما الاقى اللى الانسان اللى بدور عليه جوايا

؟؟

يا ترى هبقى فى يوم من الانسان زى ما انا شايف نفسى؟؟

مع العلم ان كل ما الوقت بيمر كل ما بقتل نفسى

i hope

OmaR Vs SaLma

سيناريو فاشل
اخراج افشل
قصة رائعة
قمة الواقعيه لاغلب قصص الحب اللى بتحصل حاليا
الفيلم ما هو الا اسكتشات ملهاش علاقة تقريبا ببعض
تعتمد فى اغلبها على الكوميدية المبتذلة
لكن احى تامر على رسمه للخطوط العريضة للقصة بهذه الواقعية التى لربما انشغل اغلبنا بايفهات واسكتشات المخرج عنها


اغلب قصص الحب فى اغلبنا ماشية على النحو التالى ::
حب اول
بندى له كل ما نملك
نظن اننا ملكنا الدنيا
بنغير كل حاجة فى حياتنا
علشان نبقى عاملين زى المفتاح اللى عاوز يشكل نفسه علشان يلائم القفل
وطبعا ده بينتهى بالفشل
وده يمكن من اكبر اسباب فشل الجواز اللى عن حب
اننا بننجرف ورا رغبات قلبنا باسم الحب
وبننسى ان لازم يبقى فى توافق عقلى بين الطرفين
علشان كده غالبا ما يفشل الحب الاول

وده اللى حصل مع تامر
قصدى عمر
وفرح
حب اول
انجرفوا ورا مشاعرهم
وقعوا فى الحب
من غير ما يسالوا نفسهم
هل الاتنين شخصيات ملائمة ومتوافقة مع بعض
يعنى هل دماغهم واحدة
هل طريقة تفكيرهم ممتزجة مع بعض
ولا immiscble ؟؟؟

ومع اول ضوء يبان فيه اختلاف توجهات وعقليات كل واحد فيهم
وعدم قابلية المزج بين الافكار
بيحصل تنافر زى المغناطيس
وفى نفس الوقت
القلب بيشد
لكن لازم يكون قوة التنافر اكبر

ويبدا القلب يعذب في الانسان بعد الانفصال
لكن بعد كده
يبدا يشوف الانسان اللى مكنش شايفه فى الطرف التانى
سواء الحلو او الوحش
ويمكن يعرف ان من حظه انه سابه
بعد ما كان فى الاول هيموت عليه بعد ما سابه

وده اللى بيحصل دايما والفيلم بينه
حب اول
يتفركش
نتعذب بعده
او واحنا بنحب نفتكر ان الحب ده بعده هتبقى الحياة ضياع
ولكن
الحياة بتستمر بعد كده
وبنشوف قد ايه احنا كنا هبل
وان الحب ده بقى ذكرى فقط
ومبقاش فى القلب منه اى حاجة خالص
وبنقابل حد تانى احسن
وبنتعلم من الاولانى كتير
وبنعرف اخطائنا
وبنحاول نتجنبها
ونحاول نختار المرة دى صح

ده واقع اغلب قصص الحب حاليا
مشكلة بيواجها اغلب اللى بيفشل فى حب الاول
ومبيعرفش يفهم اللعبة ماشية ازاى

٢٦‏/٠٥‏/٢٠٠٨

الحب جزىء DNA


الصفة فى الانسان اللى هى مثلا ان لونه ابيض او اسود او ان لون عينه اخضر او عسلى او انه طويل او قصير
او انه مناخيره شكلها كذا
اللى بيخلى لون عين الانسان لون معين او انسان بطول بحاجة معينه او شعره ناعم او خشن
او يعنى اللى مسئول عن الثفة دى تبقى بشكل معين
حاجة كلنا سمعنا عنهااسمها الجين
يعنى جين الشعرهو اللى بيحدد ان الانسان ده لون شعره اسمر ولا بنى وهو اللى بيحدد شعره ناعم ولا خشن
.............................................
طيب الجين ده عبارة عن ايه
الجين ده عبارة عن جزىء كبير من حاجة كلنا بنسمع عنها اسمها ال DNA
طيب ال DNAعبارة عن ايه
اللى بيكون الدى ان ايه اربع وحدات فقط هما اللى موجودين فى اى انسان يعنى اى انسان فى العالم معندوش غير الاربعة دول بس
..............................
طيب مش انت قولت ان الدى ان ايه ده هو اللى الجين
اقولك اه
طيب مش قلت ان الجين ده هو اللى بيدى الانسان الصفة اللى بتطلع بشكل معين يعنى مثلا لون عينه كذا مش كذا لو طوله كذا مش كذا
هقولك اه برضو
هتقولى جاتك اوه
انت عارف ان لايمكن تلاقى انسان فى العالم متشابه تماما مع التانى حتى لو كان توائم متماثل
وانت بتقولى اللى بيكون ال دى ان ايه 4 وحدات بس
يبقى ازاى العدد اللامتناهى من الصفات دى
..............................................
هقولك زى اللغة العربية 28 حرفعدد غير محدود من الكلمات
ال DNAبيتكون من عدد من الملايين من الوحدات دى مترتبه بترتيب معين بيختلف من شخص للتانى
حسب الترتيب ده بيكون الصفة
يعنى الترتيب فى شخص معين يدى الشعر ناعم فى شخص تانى رغم انها نفس الوحدات يدى الشعر خشن علشان الترتيب مختلف
..........................................
من هنا عرفت ازاى من اربع وحدات متشابهة فى كل الناس بنحصل على صفات مختلفة حسب الترتيب
.................................................
دى نظرتى للحب
فى قواعد مشتركة اساسية بين كل اللى بيحبوااللى هما الاربع وحدات الخطوط العريضة واحده فى كل قصص الحب
بس لكل قصة حب صفة مختلفة ومواقف مختلفة

معلش انا عارف انه موضوع عجيب شوية بس المهنة بتحكم على الانسان حاجات عجيبة
:D

٠٤‏/٠٢‏/٢٠٠٨

هو مين تامر؟؟؟


هل هو مطرب ناجح وضع اسمه كتاب التاريخ كاحد نجوم هذا الزمن؟؟

هل هو ملحن موهوب؟؟

هل هو فنان؟؟

هل هو ممثل؟؟

هل the king of generation زى ما السبكى اطلق عليه اللقب ده علشان يعمل دعاية لفيلم عمر وسلمى واللقب ده بقى مرتبط بيه؟؟

ولا هو زى ما قال عن نفسه فى فيلم سيد العاطفى

عاوز يستمتع بحياته من غير ما يدخل النار؟؟

وعاوز يبقى غنى وفى نفس الوقت ميبقاش حرامى؟؟

ولا ده واحد مش بيحترم جمهوره ومركب لهم قرون وبيخدعهم ؟؟

ولا واحد جبان تقاعس عن تادية اقل واجب له تجاه وطنه؟؟

ولا ده شاب هايف رمى نفسه فى احضان السبكى علشان يكمل معاه سلسلة الافلام الهايفة؟؟

الغريب ان السبكى محترف انه يخدع الجمهور باعلانات

ولما تدخل له الفيلم

تلاقى الفيلم قمة الهيافة

حتى الجزء اللى انت ضحكت عليه فى الاعلان

مبقاش يضحك وانت بتتفرج على الفيلم

المهم نرجع لتامر

يا ترى تامر مين فى دول

ولا هو انسان كويس بس اخطأ؟؟

وهل المفروض نغفر له ؟؟

وهل هو زى ما قال فى اغنيه انا مش قادر اتغير ؟؟

مين تامر يا جماعة ؟؟

هل هو المطرب الاسطورى اللى الحضور فى حفلاته تعدى الحضور الجماهيرى للمطرب العالمى انريك اجلاسيس؟؟

وتفتكروا عمرو دياب فعلا هو سبب كل مصيبة تحصل له ؟؟

طيب وحماقى ؟؟؟

وكل ده كوم

وام كلثوم وعبد الحليم كوم


يبدو ان الغرور والزهو قد بلغوا مرحلة خطيرة عند مللك الجيل زى ما السبكى قال عليه

وفعلا هو مللك الجيل

مللك الجيل الهايف

الفاشل

التافهه

يبدوا انه كل ده خلاه ينسى نفسه ويحاول يخلى نفسى فى الزمن ده بمنزله ام كلثوم وعبد الحليم فى زمانهم

تامر قال ان اهل سوريا استقبلوه استقبال الفاتحين

:)

وان استقبالهم له فاق استقبالهم لام كلثوم ولحليم

بغض النظر عند الغنى حرام وحلال

بس احنا بتكلم دلوقتى عن اشخاص

وشخصيات

الناس دول مكنش فى زيهم

ولا هيجى زيهم


الناس دى عاشوا مع الشعب كل لحظة

كان كل واحد بيحس انهم زيهم

عايشبن معاهم

بيغنوا ليهم

غنوا للوطن

مش غنوا عليه


الناس دى كان عندهم حاجة بيقدموها فى كل اغنية

الناس دى كانت مسئولة عن الحالة النفسية للشعب باكمله بكلام واغانيهم


يطلع بقى مين تامر حسنى جنب دول

يبدوا ان تامر نسى ان هيظل فى نقطة سودا فى سجله

لن تمحى ابدا من تاريخه


تامر كل ما النماس تحب انها تتناسى عملته السودا دى

يرجع يفكرهم قد ايه انه زعيم لشوية شباب هايف

شباب بيسىء لسمعة بلد

ويعتبر هما سبب نكسة الامة دى


باختصار تامر مقدمش حاجة اصلا علشان نقول انه يقدر يبقى له مكانه

كل اللى قدمه شوية اغانى زيه زى باقى اقرانه

المميز بس ان الحان الاغانى حلوة

او ان الاغانى دى بمقايس الاغانى حلوة

انما هو قدم ايه زو قيمة

مفيش

زى ما قلنا

شوية اغانى

اما الافلام

اول فيلم ده اصلا تامر يعتبر ملوش لازمه فيه اصلا

تانى فيلم كان فيلم ملوش لازمة خالص من اول تامر لحد السبكى

تالت فيلم لينا فيه وقفة شوية نبقى نتكلم فيه بعدين


لكن دلوقتى السؤال

مين تامر

؟؟؟

علشان انا احترت معاه

١٧‏/١٢‏/٢٠٠٧

بلدنا بتتروشن بينا

كنا زمان واحنا أطفال لما يسألونا: عايز تطلع إيه يا حبيبي لما تكبر؟ كان الجواب دائماً حاجة من اثنين (دكتور) أو (ضابط) وأقلية كانت تقول مهندس، وكانت الوظيفتان الدكتور - والضابط أحسن الأعمال وقتها وأكثرها احتراماً، وقد تكون الأكثر احتراماً حتي الآن، ولكنها بلا شك ليست أحسن الأعمال، فالدكتور بتاع زمان كان بيتخرج وأمامه الحلم المعروف بتاع الـ٣ عين (عيادة + عربية + عروسة)، وكان ممكن يحققه بالفعل في ٣ أو ٤ سنين، لكن دكتور اليومين دول يا ولداه ماعندوش أي أحلام، لأنه عارف أنه مهما يحلم فلن يتحقق شيء، لأن الدكاترة عددهم أصبح بمئات الألوف، ومازالت جامعاتنا تخرج كل عام عشرات الألوف!!

أما وظيفة الضابط فقد أصبحت مكروهة من الجميع، من الشعب العادي، ومن الضباط أنفسهم نتيجة للحملات الإعلامية عليهم، بسبب تجاوزات بعضهم واتهامهم في قضايا التعذيب، والحكم علي بعضهم بالفعل، مما أدي إلي تغيير نظرة الناس لهم. ده غير رواتبهم الضعيفة والتي لا تتناسب لا مع ساعات عملهم المتواصلة وطبيعته الخطرة، وهناك أقوال عن زيادة نسبة الضباط الذين يطلبون إحالتهم للمعاش المبكر أكثر من أي وقت مضي.

لكل ما سبق، وحالة الجوع الجماعي التي يعيشها أكثر المصريين، فإنك إذا سألت أي طفل: عايز تطلع إيه يا حبيبي لما تكبر، سيرد: لاعب كورة - ممثل - مذيع بالفضائيات لأن دول هم القدوة والمثل حالياً، وهم أسياد البلد بملايينهم التي يحصلون عليها. ولو سألت أي بنت سترد: نفسي أكون رقاصة ياعمو.... واشمعني رقاصة يا حبيبتي؟؟ علشان الرقاصة ياعمو بتاخد في الليلة الواحدة من ٥٠٠٠ جنيه إلي ٥٠٠٠٠ جنيه (حسب مؤهلاتها المطلوبة وعدد الأماكن التي ترقص فيها)، واضرب المبلغ ده في عشرة في الأعياد ورأس السنة وخلافه.

وحسب إحصائيات رسمية صادرة عن جهاز الرقابة علي المصنفات الفنية فإن هناك ٧٢٠٠ فتاة يتقدمن للجهاز سنوياً للحصول علي رخصة راقصة بواقع ٢٠ راقصة يومياً والنسبة في ازدياد مستمر..!!! وربنا يخلي حكومتنا الرشيدة.. وزغردي ياللي مانتش غرمانة!!!

المصدر:المصري اليوم

٠٨‏/١٢‏/٢٠٠٧

هما زعلانين ليه ؟؟؟!!!!!



تعليق صغير قوى نفسى اقوله
الناس زعلانه قوى على المصريين اللى راحين اسرائيل ( انا مش هتكلم على الموضوع ده دلوقتى )
هما ايه اللى مزعلهم
مايسيبوهم
هما دول الىل هيجيبوا اسرائيل ورا
هيعلموهم الرشوة والظلم والفساد والمحسوبية
هوا احنا رحنا مكان الا وباظ
( والعراق يشهد :D )
يا جماعة الفول سره باتع
هما مش بيقولوا اسرائيل العدالة فيها احسن من الدول العربية ( ده بالنسبة بين الاسرائيلين وبين بعضهم )
خلاص خليهم يبوظوهم

................
طبعا الكلام ده هزار
ولو نقد
يبقى نقد لينا احنا على القيم اللى اتكسرت وبينا مشهورين بالقيم والعادات السيئة
انا مش كاتب الموضوع علشان اناقش مشكلة السفر لاسرائيل لان ده امر محسوم عندنا كلنا
ومش محتاجين كلام فيه
انما بنقد الظواهر اللى انتشرت جوا مجتمعنا
يارب اهدى امتى
ولا تهلكنا بما فعل السفهاء منا
........
لحسن الواحد اتخنق من الفساد